¡Kí'imak óol ti te'ex! 🎉 tumen ti' yano'on ti jump'éel túumben ja'abe', beey xan jach kí'imak k óol tumen láayli' tan k xíimbal kex jujump'íitil, tu'uxe' ichil le xíimbalo' yaan u láak'o'ob tan u nupik u muuk'o'ob t éetel.
Ichilo'on le k táakpajal ichil le noj xíimbala' k'aanan k ts'áak bey jump'éel objetivo ichilo'one' ti'al k t'aanik, k ka'ansik, beyxan tun ti'al k kuxtal ichil k t'aan, yéetel u ti'al k líik'esik u yóol uláak'o'ob u ti'al ma u sajaktalo'ob u t'ano'ob xan.
Kex jujump'íitil chen ma'a k p'atik beetik ti'al ma tu seen xáantale' k k'uchuj te noj náay ti'al k kuxtal ichil le maayao' je tu'ux ka máanko'one.💪🌟
Ichil le boletín ti' U Péekbal Waye', yaan péektsilo'ob jach k'aanan ka much ts'atáantej je bix le noj meyaj úuch ti'al u ts'áabal k'ajóotbil u video serie Máaxo'oni' tu'ux ku béeytal k u'uyik u tsikbal maxo'ob ku t'aano'ob yóolal le maaya kaajo': le maayaso'obo' kuxa'ano'ob, bixo’ob walkila’, tu’ux ts’o’oko’ob, ba’ax ku beetiko’ob walkila', yéetel u láak ba'axo'ob jach k'aanan a wojéetik, jóos u súutuki ka béeyak a cha'antik.😊
Beey xan yana' wilik secciones je bix: Péektsilo'ob, Xíimbalo'ob, Kí'imak óolal, Náaysaj óol, yéetel u láak'o'ob.
Je'el bix láalaj wi'inale', k p'aatik tech u PDF le bolenina':
Wa a k'áat a wéens le boletina' je'el u béeytale', chen a ts'áank'abtik te'ela':